ᖁᓕᒥᒎᓕᒃᑯᑦ ᐱᒍᑦᔨᒍᑏᑦ ᑮᓇᐅᔭᓕᐅᕋᓱᐊᕐᓂᒧᑦ ᐱᕐᓱᐊᕐᑕᓯᓐᓄᑦ
ᓱᑲᑦᑐᒥᒃ ᐱᒍᓐᓇᓂᖃᑦᓯᐊᑐᒥᓪᓗ ᐱᓇᓱᐊᑕᑎᓐᓄᑦ, ᐊᑐᕐᑕᐅᑎᓪᓗᒋᑦ ᖁᓕᒥᒎᓕᕗᑦ
ᓄᓇᕕᒻᒥᒃ ᖁᓕᒥᒎᓖᑦ ᐃᓂᖃᕐᑐᑦ ᑯᒃᔪᐊᒥ, ᓄᓇᓕᒻᒥᒃ ᐃᖏᕐᕋᐅᑎᓕᕆᔪᓄᑦ ᐱᒋᐊᖕᖓᕕᐅᓲᒥᒃ ᓄᓇ[ᒻᒥᒃ, ᒪᓂᔨᓯᒪᕗᒍᑦ ᓱᑲᑦᑐᒥᒃ ᐊᑐᕐᑕᐅᒍᓐᓇᑐᒥᒃ ᓄᓇᕕᓕᒫᒧᑦ ᐅᐯᒍᑎᐅᒍᓐᓇᑐᒥᒃ ᖃᓂᑕᖏᓐᓄᓗ ᓄᓇᐅᔪᓄᑦ.
ᓇᓗᓀᕐᓯᓂᕐᒥᒃ ᓄᓇᒥᒃ, ᓱᕐᖄᑎᕆᓂᕐᒥᒃ, ᐅᓯᑲᑦᑕᓂᕐᒥᒃ ᐱᐅᒃᑯᑎᓂᒃ ᐱᖁᑎᓂᒃ, ᐱᓇᓱᑦᑎᓂᓪᓗ ᐅᐯᒋᐊᓕᓐᓂᒃ ᐱᓇᓱᕝᕕᒥᓄᑦ, ᐊᑦᔨᓕᐅᕆᔨᓂᒃ…ᓱᓇᑐᐃᓐᓇᓕᒫᓂᒃ ᑭᖕᖑᒪᒋᔭᐅᔪᓂᒃ ᐱᓇᓱᕝᕕᓯᓐᓄᑦ, ᖁᓕᒥᒎᓕᕗᑦ ᐱᓇᓱᑦᑎᕗᓪᓗ ᐱᒍᑦᔨᒍᓐᓇᐳᑦ ᐱᓇᓱᐊᕐᑕᓕᒫᑦᓯᓂᒃ.
ᑕᑯᒋᐊᕐᓗᒋᒃ ᐃᓗᓕᖏᑦ ᖁᓕᒥᒎᓕᒃᑯᑦ ᐊᑐᕐᑕᐅᒍᓐᓇᑐᓂᒃ ᐃᓗᓕᖏᖕᓂᒃ ᐱᒍᓐᓇᑕᐅᔪᓂᒃ ᐊᒻᒪᓗ ᐱᐅᒃᑯᑎᐅᔪᓂᒃ ᐱᓇᓲᑎᐅᒍᓐᓇᑐᓂᒃ.
ᓄᓇᕕᒻᒥ ᖁᓕᒥᒎᓖᑦ ᓄᓇᓕᖃᕐᑐᓄᑦ ᓇᒻᒥᓂᕆᔭᐅᔪᑦ ᐊᐅᓚᑕᐅᑦᓱᑎᓪᓗ
ᑐᓂᓯᒪᓂᕗᑦ ᓄᓇᕕᒻᒥᐅᓄᑦ ᓄᓇᓕᖁᑎᑦᑎᓄᓪᓗ ᒪᓂᓯᒍᑎᒋᕙᕗᑦ ᐃᓕᓐᓄᑦ ᐊᒥᓱᓂᒃ ᐊᑦᔨᒌᖕᖏᑐᓂᒃ ᐱᒍᑦᔨᒍᑎᓂᒃ ᓯᕗᒧᐊᑦᑎᓯᒍᓐᓇᑐᓂᒃ ᐱᓇᓱᐊᕐᑕᓯᓐᓂᒃ. ᖃᐅᔨᒪᓂᕗᑦ ᐃᓄᓐᓂᒃ ᐱᐅᒃᑯᑎᖃᕈᑎᐅᒋᐊᓕᓐᓂᓗ ᐊᑐᐃᓐᓇᐅᔪᓂᒃ ᓄᓇᑦᑎᓂᒃ ᐊᒻᒪᓗ ᐃᓕᑕᕆᔭᖃᕐᓂᑎᓐᓂᒃ ᓄᓇᐅᑉ ᐊᕙᑎᖓᓂᒃ ᐃᓱᒫᓗᑎᒋᔭᐅᔪᓂᒃ ᖃᓄᐃᓕᖓᒍᑕᐅᓂᖏᓐᓂᓗ ᐱᔭᑦᓴᕆᔭᑦᓯᓐᓄᑦ ᐱᔭᕆᐊᑭᓪᓕᑎᕆᒍᑎᐅᒍᓐᓇᐳᑦ.
ᐃᓂᓪᓚᓯᒪᓂᕗᑦ ᐃᓱᐊᕐᑐᒦᓐᓂᖓᓄᑦ ᐃᓕᓐᓄᑦ ᐱᕙᓪᓕᕈᑎᐅᒍᓐᓇᐳᖅ ᑮᓇᐅᔭᕐᑐᓗᐊᕇᒃᑯᑎᐅᓗᓂᓗ ᐊᑭᓖᒍᑎᐅᒋᐊᓕᓐᓂᒃ.
- ᓄᓇᕕᓐᒦᒋᕐᓂᖓᓄᑦ ᖃᓂᖕᖏᑐᒥᒃ ᓅᒋᐊᑐᖕᖏᓂᖓᓄᑦ ᐊᑭᖃᖕᖏᑐᖅ
- ᑐᔪᕐᒥᐅᒍᑎᖏᑦ ᐱᓇᓱᑦᑎᑕ ᐊᑭᓕᕐᑕᐅᒋᐊᖃᖕᖏᑐᑦ
- ᐃᖏᕐᕋᒍᑎᖏᑦ ᐱᓇᓱᑦᑏᒃ ᐃᓇᖏᕐᑕᐅᑎᓂᖏᓐᓄᑦ ᐊᑭᓕᕐᑕᐅᒋᐊᖃᖕᖏᑐᑦ
- ᐊᑭᓕᕐᑐᐃᒍᑎᐅᒋᐊᓪᓚᒋᐊᖃᖕᖏᑐᑦ ᐃᑲᔪᕐᑏᑦ ᓴᐳᑦᔨᓂᕐᒧᑦ ᐱᒍᑦᔨᒍᑎᖏᑦ
